శాంతి కోసం మొసలితో వివాహం

• ప్రజలు వర్షాల కోసం లేదా పంటలు బాగా పండడం కోసం ప్రార్థిస్తూ విభిన్న ఆచారాలు పాటిస్తారు. దక్షిణ మెక్సికోలోని శాన్‌ పెడ్రో హువాయెలులా అనే పట్టణంలో మాత్రం ప్రజలంతా కలిసి పట్టణ మేయర్‌కు ఆడ మొసలితో వివాహం జరిపించడం సంప్రదాయం. 
• విక్టర్‌ హ్యూగో సోసా అనే మేయర్‌ చొంటల్‌, హువే అనే రెండు సమూహాల మధ్య శాంతిని కొనసాగించాలనే ఉద్దేశంతో అలీసియా ఆడ్రియానా అనే ఆడ మొసలిని వివాహం చేసుకున్నారు. 230 ఏళ్లుగా ఈ ఆచారాన్ని పాటిస్తున్నారట. ఈ వివాహం తమ ప్రాంత ప్రజలకు మరింత అదృష్టాన్ని తెస్తుందని వారి నమ్మకం. 
• ప్రజలు పెళ్లి కుమారుడిని చొంటల్‌ రాజుగా.. మొసలిని రాణిగా భావిస్తారు. ఈ వేడుకకు ముందు ప్రజలు మొసలిని తమ ఇంటికి తీసుకు వెళ్లి ప్రత్యేక నృత్యం చేస్తారు. అనంతరం మొసలిని పెళ్లి వస్త్రాలతో అలంకరిస్తారు. భద్రత కోసం దాని ముక్కుకు తాడును కడతారు. వధువు (మొసలి)ని ఎత్తుకుని వరుడు నృత్యం చేసి దాని నుదుటిపై ముద్దు పెట్టడంతో వేడుక ముగుస్తుంది.