Fat Persons : ఊబకాయుల్లో ఆకలి నియంత్రణ భిన్నం

 

• ఆకలి నియంత్రణలో కీలక పాత్ర పోషించే మెదడు భాగం హైపోథాలమస్‌.. ఊబకాయుల్లో విభిన్నంగా ఉంటుందని బ్రిటన్‌లోని కేంబ్రిడ్జ్‌ విశ్వవిద్యాలయ శాస్త్రవేత్తలు గుర్తించారు. 
• బరువు నియంత్రణ, ఆహార వినియోగం వంటి అంశాల్లో ఈ భాగం పాత్రపై సరికొత్త ఆధారాలు లభించినట్లయిందని  పేర్కొన్నారు. ప్రపంచవ్యాప్తంగా 190 కోట్ల మంది.. ఆరోగ్యకర స్థాయిని మించి బరువు కలిగి ఉండటమో, ఊబకాయం బారినపడటమో జరిగిందని తాజా అంచనాలు చెబుతున్నాయి. 
• ‘‘మనం ఎంత తినాలన్నది నిర్దేశించేది హైపోథాలమస్‌ అని ఇప్పటికే వెల్లడైంది. మానవులకు సంబంధించి ఈ భాగం గురించి ప్రత్యక్ష సమాచారం పెద్దగా లేదు. హైపోథాలమస్‌ చాలా చిన్నగా ఉండటం, సాధారణ ఎమ్మారై బ్రెయిన్‌ స్కాన్‌లో దాన్ని నిర్దిష్టంగా గుర్తించడం కష్టం కావడమే ఇందుకు కారణం’’ అని పరిశోధనకు నాయకత్వం వహించిన స్టిఫానీ బ్రౌన్‌ పేర్కొన్నారు.