బుకర్‌ ప్రైజ్‌ పరిశీలనలో ఉన్న ‘వెస్ట్రన్‌ లేన్‌’ నవల రచయిత ఎవరు?

• బుకర్‌ ప్రైజ్‌ పురస్కారానికి గాను ఈ ఏడాది విజేత ఎంపిక పరిశీలనలో భారతీయ మూలాలున్న రచయిత్రి ‘చేతనా మారూ’ చోటు దక్కించుకున్నారు. 
• ప్రాథమిక పరిశీలన కోసం కమిటీ ఎంపిక చేసిన 13 పుస్తకాలలో లండన్‌ నివాసి అయిన చేతనా మారూ తొలి నవల ‘వెస్ట్రన్‌ లేన్‌’ కూడా ఉంది. 
• కెన్యాలో జన్మించిన చేతన లండన్‌లో స్థిరపడ్డారు. బ్రిటన్‌లో నివసిస్తున్న ఓ గుజరాతీ కుటుంబానికి చెందిన 11 ఏళ్ల బాలిక..గోపి స్క్వాష్‌ క్రీడను నేర్చుకునే క్రమంలో ఆమె, ఆమె కుటుంబ సభ్యుల మధ్య చోటు చేసుకునే ఘటనలు, భావోద్వేగాలను కథాంశంగా రచయిత్రి ఎంచుకున్నారు. 
• సామాజిక, మానవ సంబంధాలను నవలలో చేతనా మారూ హృద్యంగా మలిచారంటూ బుకర్‌ న్యాయనిర్ణేతల కమిటీ ప్రశంసించింది. 2023 నవంబరు 26న బుకర్‌ ప్రైజ్‌ విజేతను కమిటీ ప్రకటించనుంది.