ఏ ఆలయంలో హిందువులు కాని వారికి ప్రవేశం లేదని మదురై ధర్మాసనం ఉత్తర్వులిచ్చింది?

• పళని మురుగన్‌ ఆలయంలో ‘హిందువులు కాని వారికి ప్రవేశం లేదు’ అనే ప్రకటన బోర్డును మళ్లీ ఏర్పాటు చేయాలని మద్రాసు హైకోర్టు మదురై ధర్మాసనం ఉత్తర్వులిచ్చింది. 
• పళనికి చెందిన సెంథిల్‌కుమార్‌ దాఖలుచేసిన పిటిషన్‌లో... ‘హిందూ మతానికి చెందని వారు ఆలయం లోపలికి ప్రవేశించకూడదు’ అని దేవాలయ ప్రవేశ నియమాల్లో ఉందని పేర్కొన్నారు. దీని ప్రకారమే గతంలో బోర్డు ఏర్పాటు చేసి, ఆ తరువాత అకస్మాత్తుగా తొలగించారని తెలిపారు. ఈ చర్య హిందువుల నమ్మకానికి భంగం కలిగించేలా ఉందన్నారు. పిటిషన్‌ను జస్టిస్‌ ఎస్‌.శ్రీమతి విచారించారు.