చైనా సంస్థకు బీహెచ్‌ఈఎల్‌ ఇచ్చిన అనుమతుల రద్దు చేసిన కోర్టు ఏది?

• ప్రజాహితం కన్నా దేశ భద్రతే ముఖ్యమని కర్ణాటక హైకోర్టు స్పష్టం చేసింది. తెలంగాణలో యాదాద్రి థర్మల్‌ విద్యుదుత్పాదన కేంద్రం ఏర్పాటు టెండర్‌ను చైనాకు చెందిన ఫుజియాన్‌ లాంగ్‌కింగ్‌ కంపెనీకి ఇవ్వడాన్ని సవాలు చేస్తూ మాకావ్బర్‌ బీకే ప్రైవేట్‌ లిమిటెడ్‌ సంస్థ కర్ణాటక హైకోర్టును ఆశ్రయించింది. 
• ఈ అర్జీని ఏకసభ్య ధర్మాసనం 2022 నవంబరు 2న తోసిపుచ్చినప్పటికీ.. మరోసారి ద్విసభ్య ధర్మాసనం ముందు అప్పీలుకు వెళ్లింది. జస్టిస్‌ ప్రసన్న బాలచంద్ర వరాళె, జస్టిస్‌ ఎంజీఎస్‌ కమల్‌ ధర్మాసనం 2023 ఆగస్టు 2న విచారణ చేపట్టింది. 
• భారత్‌ హెవీ ఎలక్ట్రికల్‌ లిమిటెడ్‌(బీహెచ్‌ఈఎల్‌) బెంగళూరు సంస్థ చైనా సంస్థతో ఒప్పందాన్ని కుదుర్చుకుని టెండరు కట్టబెట్టడంలో పలు నిబంధనలు ఉల్లంఘించినట్లు ధర్మాసనం గుర్తించింది. ఈ మేరకు చైనా సంస్థకు 2022 సెప్టెంబరు 29న ఇచ్చిన అనుమతుల లేఖను రద్దు చేసింది.