ఎల్‌బీనగర్‌ (సక్సెస్‌ సీక్రెట్‌) : మానవ సేవే మాధవ సేవ అని పీపుల్స్‌ సర్వీస్‌ ఫౌండేషన్‌ నిర్వాహకురాలు సారిక అన్నారు. ముత్తూట్‌ ఫైనాన్స్‌ సౌజన్యంతో సురక్ష సేవా సంఘం తెలంగాణ మరియు పీపుల్స్‌ సర్వీస్‌ ఫౌండేషన్‌ వారి సంయుక్త ఆధ్వర్యంలో మన్సూరాబాద్‌ డివిజన్‌లోని షిర్డీసాయినగర్‌లో శుక్రవారం ఉచిత వైద్య శిబిరం నిర్వహించారు. షుగర్‌, కొలెస్ట్రాల్‌, కిడ్నీ, లివర్‌ పరీక్షలు నిర్వహించి, రిపోర్టులు అందించారు. ఈ సందర్భంగా సారిక మాట్లాడుతూ..నిరుపేదలు నివసించే కాలనీలో ఉచిత వైద్య శిబిరం ఏర్పాటు చేసి వారికి అండగా ఉండడం ఆనందంగా ఉందన్నారు. భవిష్యత్తులో మరిన్ని సామాజిక సేవా కార్యక్రమాలు నిర్వహించనున్నట్లు పేర్కొన్నారు. వైద్య పరీక్షలు చేసిన సిబ్బందికి కృతజ్ఞతలు తెలిపారు. ఈ కార్యక్రమంలో సంతోష్‌, సునిత, నర్సింగరావు, డాక్టర్‌ నరసింహయాదవ్‌, సత్తయ్య, ఎల్లస్వామి, వెంకట్‌రావు, చిన్నాయాదవ్‌, బాలరాజుగౌడ్‌, కృష్ణ, యాదయ్య, వెంకటేష్‌, ధనమ్మ, అశ్విని, జయమ్మ తదితరులు పాల్గొన్నారు.
.jpeg)
No comments:
Post a Comment