ఎమ్మెల్యేల ఆస్తుల్లో మొదటి స్థానంలో ఉన్న రాష్ట్రం ఏది?

• దేశంలోని 4,000 మందికి పైగా ఎమ్మెల్యేల మొత్తం ఆస్తుల విలువ రూ.54,545 కోట్లుగా తేలింది. ఈ మేరకు అసిసోయేషన్‌ ఫర్‌ డెమొక్రటిక్‌ రిఫార్మ్స్‌ (ఏడీఆర్‌), నేషనల్‌ ఎలక్షన్‌ వాచ్‌ (ఎన్‌ఈడబ్ల్యూ)లు సంయుక్త నివేదికను విడుదల చేశాయి. 
• దేశంలోని 28 రాష్ట్రాలు, అసెంబ్లీలు ఉన్న రెండు కేంద్ర పాలిత ప్రాంతాల్లో 4001 మంది సిట్టింగ్‌ ఎమ్మెల్యేల సమాచారాన్ని విశ్లేషించి నివేదిక రూపొందించారు.  
• మరోవైపు, నాగాలాండ్‌, మిజోరం, సిక్కిం రాష్ట్రాల ప్రస్తుత ఆర్థిక సంవత్సర బడ్జెట్‌ మొత్తాలు కలిపినా రూ.49,103 కోట్లేనని నివేదిక గుర్తు చేసింది. ఎమ్మెల్యేల అఫిడవిట్ల నుంచి సేకరించిన సమాచారం ఆధారంగా ఈ నివేదిక రూపొందించినట్లు ఏడీఆర్‌-ఎన్‌ఈడబ్ల్యూ వెల్లడిరచాయి. మొత్తంగా 4033 మంది ఎమ్మెల్యేల్లో 4001 మంది సమాచారాన్ని విశ్లేషించినట్లు తెలిపాయి. ఎమ్మెల్యేల సగటు ఆస్తి విలువ రూ.13.63 కోట్లుగా తేలిందని వివరించాయి.
• ఎమ్మెల్యేల ఆస్తుల్లో సగానికి పైగా భాజపా, కాంగ్రెస్‌ పార్టీల నేతలవేనని నివేదిక విశ్లేషించింది. ఈ రెండు పార్టీల ఎమ్మెల్యేలకు రూ.32,032 కోట్ల ఆస్తులు ఉన్నాయని తెలిపింది. మొత్తం ఎమ్మెల్యేల ఆస్తుల్లో 58.73 శాతం ఈ రెండు పార్టీల శాసనసభ్యులవేనని వెల్లడిరచింది. భాజపా, కాంగ్రెస్‌ ఎమ్మెల్యేల ఆస్తుల విలువ.. మిజోరం (రూ.14,210 కోట్లు), సిక్కిం (రూ.11,807 కోట్లు) రాష్ట్రాల బడ్జెట్‌ కన్నా అధికమని తెలిపింది.

రాష్ట్రాల వారీగా ఎమ్మెల్యేల ఆస్తుల వివరాలు..

• ఈశాన్య రాష్ట్రాల్లో ఎమ్మెల్యేల ఆస్తులు తక్కువగా ఉండగా.. అత్యధిక ఆస్తులు ఉన్న ఎమ్మెల్యేల రాష్ట్రంగా కర్ణాటక నిలిచింది. కర్ణాటక ఎమ్మెల్యేల ఆస్తుల విలువ మిజోరం, సిక్కిం రాష్ట్రాల వ్యక్తిగత వార్షిక బడ్జెట్ల కన్నా అధికం. ఎమ్మెల్యేల మొత్తం ఆస్తుల్లో కర్ణాటక శాసనసభ్యుల వాటా 26 శాతం. రాజస్థాన్‌, పంజాబ్‌, అరుణాచల్‌ ప్రదేశ్‌, బిహార్‌, దిల్లీ, ఛత్తీస్‌గఢ్‌, హిమాచల్‌ప్రదేశ్‌, పశ్చిమబెంగాల్‌, గోవా, మేఘాలయ, ఒడిశా, అస్సాం, నాగాలాండ్‌, ఉత్తరాఖండ్‌, కేరళ, పుదుచ్ఛేరి, రaార్ఖండ్‌, సిక్కిం, మణిపుర్‌, మిజోరం, త్రిపుర రాష్ట్రాల ఎమ్మెల్యేల మొత్తం ఆస్తుల కన్నా కర్ణాటక శాసనసభ్యుల ఆస్తులే ఎక్కువ. ఈ 21 రాష్ట్రాల ఎమ్మెల్యేల ఆస్తుల విలువ రూ.13,976 కోట్లు.

ఎమ్మెల్యేల ఆస్తుల్లో టాప్‌- 3 రాష్ట్రాలు

రాష్ట్రం ఎమ్మెల్యేల సంఖ్య ఆస్తులు (కోట్లలో) 

కర్ణాటక         223                 రూ.14,359 

మహారాష్ట్ర 284                 రూ.6,679 

ఆంధ్రప్రదేశ్‌         174                 రూ.4,914 

ఎమ్మెల్యేల ఆస్తులు తక్కువగా ఉన్న రాష్ట్రాలు

రాష్ట్రం ఎమ్మెల్యేల సంఖ్య ఆస్తులు (కోట్లలో) 

మణిపూర్‌ 60             రూ.225

మిజోరం         40             రూ.190

త్రిపుర         59             రూ.90 

పార్టీల వారీగా ఎమ్మెల్యేల మొత్తం ఆస్తుల విలువ

పార్టీ ఎమ్మెల్యేల సంఖ్య ఆస్తులు (కోట్లలో) 

వైసీపీ     146         రూ.3,379

బీజేపీ     1356         రూ.16,234

కాంగ్రెస్‌     719         రూ.15,798

డీఎంకే     131         రూ.1,663

టీఆర్‌ఎస్‌ (బీఆర్‌ఎస్‌) 103 రూ.1,443

పార్టీల వారీగా ఎమ్మెల్యేల సగటు ఆస్తుల విలువ

పార్టీ ఎమ్మెల్యేల సంఖ్య ఆస్తులు (కోట్లలో) 

వైసీపీ 146                 రూ.23.14

బీజేపీ 1356         రూ.11.97

కాంగ్రెస్‌ 719                 రూ.21.97

టీఆర్‌ఎస్‌ (బీఆర్‌ఎస్‌) 103         రూ.14

ఆప్‌         161                 రూ.10.20